Ağıllı Ev Sistemləri

Təsəvvür edin ki, eviniz sizinlə danışır. Gecə evə çatanda qapılar avtomatik açılır, işıqlar sönük şəkildə yanır. Sevdiyiniz musiqi səslənməyə başlayır. Ağıllı ev sistemi məhz budur. Bu sistemlər internetə qoşulan cihazlar vasitəsilə evin müxtəlif sahələrinə nəzarət etməyə imkan verir.
Son illər ərzində texnologiyanın sürətli inkişafı ilə ağıllı ev sistemləri də əlçatan olub. Əvvəllər lüks sayılan bu texnologiyalar indi artıq orta büdcəli evlərdə də istifadə olunur. Ağıllı ev sistemləri enerjidən səmərəli istifadəni təmin edir. İşıqlar yalnız istifadə edildikdə yanır, istilik sistemləri isə evdəki real temperatur əsasında çalışır. Bu isə həm təbiətə, həm də cibinizə fayda deməkdir.
Evdən uzaqda olsanız belə, eviniz gözünüz qarşısında olur. Bildirişlər, canlı görüntülər və avtomatik kilidləmə sistemləri təhlükəsizlik səviyyəsini maksimum dərəcəyə çatdırır. Yalnız bir tətbiq vasitəsilə bütün evi idarə etmək mümkündür. Televizordan tutmuş qapıya qədər hər şey sizin telefonunuzdadır.
Əgər siz də evinizi gələcəyə hazırlamaq istəyirsinizsə, XiDMET.AZ saytına daxil olun. Bu dəfəki yazımızda saytımızda yer alan ağıllı ev sistemlərinin quraşdırılması və onların əsas komponentləri haqqında danışımıq.

Ağıllı ev sistemlərinin əsas komponentləri

Ağıllı ev texnologiyaları müasir həyatın ayrılmaz hissəsidir. Həm rahatlıq, həm təhlükəsizlik, həm də enerji qənaəti baxımından bu sistemlər evlərin idarə olunma tərzini tamamilə dəyişib. Ağıllı ev sistemləri müxtəlif texnoloji komponentlərdən ibarətdir. Bu komponentlər bir-birilə inteqrasiya olunaraq tam avtomatlaşdırılmış bir həyat tərzi təqdim edir. Əvvəllər evin işığını söndürmək, kondisioneri tənzimləmək və ya təhlükəsizliyi təmin etmək üçün fiziki müdaxilə tələb olunurdusa. Bu gün artıq bütün bunları bir telefon və ya səsli komanda ilə yerinə yetirmək mümkündür. Bu sistemlər yalnız fərdi rahatlıq deyil, eyni zamanda ailə üzvlərinin təhlükəsizliyini və ümumi yaşayış keyfiyyətini artırır. İndi isə ağıllı ev texnologiyalarının ən əsas komponentlərinə nəzər salaq.

Ağıllı işıqlandırma sistemləri

Ağıllı işıqlandırma sistemləri evdəki ən sadə funksiyalardan biri olan işıqlandırma prosesini tam fərqli səviyyəyə çıxarır. Bu sistemlər vasitəsilə istifadəçilər evin istənilən otağındakı işıqları telefon tətbiqləri və ya səsli əmr vasitəsilə idarə edə bilirlər. İşığın parlaqlığını tənzimləmək, xüsusi ssenarilər yaratmaq, müəyyən saatlarda avtomatik işıqlandırma aktivləşdirmək və ya otaqlar üzrə fərqli işıq tonlarını seçmək bu texnologiyanın əsasııdır. Misal üçün, əgər gecə işığı açmağı unutmusunuzsa və artıq yataqdasınızsa, sadəcə bir düymə və ya səsli komanda ilə bu işi həll edə bilərsiniz. Əlavə olaraq, bu sistemlər enerji qənaətini də təmin edir. Çünki lazımsız işıqların söndürülməsi avtomatlaşdırılır və istifadə müddətləri optimallaşdırılır. Estetik baxımdan da bu sistemlər fərdi dizayna uyğun olaraq müxtəlif işıq rejimləri ilə evin atmosferini dəyişməyə imkan yaradır.

Təhlükəsizlik kameraları və siqnalizasiya

Ağıllı ev texnologiyalarının ən çox önə çıxan sahələrindən biri təhlükəsizlik sistemləridir. Ağıllı təhlükəsizlik kameraları evin içini və ətrafını 24/7 izləmək şəraityaradır. Bu kameralar real vaxtda mobil cihazlarla sinxron şəkildə işləyir. İstifadəçiyə hər an evdə baş verənləri izləməyə imkan verirr. Bununla birlikdə, hərəkət sensorları, qapı-pəncərə sensorları və siqnalizasiya sistemləri ilə birgə işlədikdə, sistem qeyri-adi hərəkət və ya giriş cəhdlərini dərhal aşkar edərək istifadəçini xəbərdar edir. Bu sistemlər səsli xəbərdarlıq, push bildiriş və ya hətta avtomatik polisə xəbər göndərmə funksiyaları ilə təchiz olunur. Bu isə xüsusilə səyahət zamanı və ya evdə olmadığınız hallarda sizə güvən və rahatlıq hissi bəxş edir. Ağıllı təhlükəsizlik sistemləri yalnız oğurluq və müdaxilələrə qarşı tədbir deyil. Hətta yanğın və qaz sızması kimi fövqəladə hallarda da siqnal verərək evin və ailənin təhlükəsizliyini təmin edir.

Smart kondisionerlər və isitmə

Ağıllı iqlim sistemləri evin temperaturunu istənilən vaxt və məkandan tənzimlək olar. Bu texnologiyaya daxil olan ağıllı kondisionerlər, istilik sistemləri və termostatlar mobil tətbiqlər və ya səsli əmr vasitəsilə idarə oluna bilir. İstər yayda sərin mühit yaratmaq, istərsə də qışda əvvəlcədən evi isidilmiş vəziyyətdə tapmaq üçün bu sistemlər mükəmməl seçimdir. Evdə olmadığınız zaman belə, enerji sərfiyyatını azaltmaq üçün sistemləri uzaqdan söndürmək və ya minimal rejimə keçirmək olur. "Geofencing" texnologiyası sayəsində siz evə yaxınlaşdıqca sistem avtomatik olaraq aktivləşir. Bu da həm komfortu artırır, həm də enerji sərfiyyatında ciddi qənaətə səbəb olur. Ağıllı iqlim sistemləri evin müxtəlif otaqları üçün fərqli temperatur rejimləri təyin etmək və bu rejimləri günün müəyyən saatlarına uyğunlaşdırmaq imkanı verir.

Səsli assistentlər və avtomatlaşdırma

Ağıllı evlərin idarə olunmasında səsli assistentlər və avtomatlaşdırılmış ssenarilər böyük rol oynayır. Amazon Alexa, Google Assistant, Apple Siri kimi sistemlər evin bir çox funksiyasını sadəcə səsli komanda ilə idarə etmək olur. Məsələn, "İşıqları söndür", "Kondisioneri 22 dərəcəyə gətir", "Film rejimini aktiv et" kimi əmr cümlələri ilə birdən çox funksiyanı eyni anda yerinə yetirə bilərsiniz. Avtomatlaşdırma funksiyaları sayəsində istifadəçilər xüsusi ssenarilər yarada bilər. Məsələn, səhər saat 7-də pərdələr açılır, işıq yandırılır və sevdiyiniz musiqi səslənməyə başlayır. Bu texnologiyalar həm həyat keyfiyyətini artırır, həm də gündəlik vərdişləri asanlaşdırır. Evdə fiziki olaraq müdaxiləyə ehtiyac olmadan idarəetmə imkanı yaratmaqla yanaşı, bu sistemlər yaşlılar və fiziki məhdudiyyətli şəxslər üçün də uyğun həllər təqdim edir.

Kimlər üçün daha uyğundur?

Ağıllı ev sistemləri texnoloji rahatlıq və təhlükəsizlik axtaran hər kəs üçün nəzərdə tutulmuşdur. Bu texnologiyalar fərqli həyat tərzinə və istifadəçi tələblərinə uyğun olaraq çevik şəkildə tətbiq oluna bilir. İstər şəxsi ev sahibi, istərsə də kirayə mənzildə yaşayan biri olun. İstər kiçik ofis, istərsə də böyük ticarət obyektinə nəzarət edirsiniz. Ağıllı sistemlər hər bir məkan və məqsəd üçün fərqli üstünlüklər təqdim edir. Onların əsas gücü məhz bu uyğunlaşma qabiliyyətindədir. Minimal qurğulardan tutmuş kompleks avtomatlaşdırma sistemlərinə qədər fərqli səviyyədə istifadə imkanı mövcuddur. Bu texnologiyalar fərdi həyat tərzini asanlaşdırmaqla yanaşı, işgüzar mühitlərdə məhsuldarlığı artırır. İdarəetməni optimallaşdırır və xərclərə nəzarəti mümkün hala salır.

Ev sahibləri və mənzil istifadəçiləri

Əgər şəxsi mənziliniz varsa, ağıllı ev sistemləri sizin üçün gündəlik rahatlığı və yüksək təhlükəsizlik səviyyəsini təmin edən əvəzolunmaz bir vasitəyə çevrilir. Evinizdə işıqlandırma, isitmə, təhlükəsizlik və media sistemlərini bir tətbiqlə və ya səsli komanda ilə idarə etmək vaxtınıza qənaət edir. Həm də yaşayış keyfiyyətinizi artırır. Kirayə yaşayanlar üçün isə bu sistemlər tam avtomatlaşdırılmış qurğulardan çox, daha mobil və sadə qurğular vasitəsilə istifadə oluna bilər. Məsələn, smart lampa, ağıllı priz və ya portativ təhlükəsizlik kamerası kimi cihazlar əlavə texniki müdaxilə tələb etmədən rahatlıqla quraşdırıla və istifadə edilə bilər. Beləliklə, yaşayış məkanından asılı olmayaraq hər kəs ağıllı texnologiyaların əsas funksiyalarından faydalanırlar. Bu texnologiyalar həmçinin yaşlılar və fiziki məhdudiyyətli şəxslər üçün də əla həllər təqdim edir. Çünki uzaqdan idarəetmə və avtomatlaşdırma imkanları onlara daha müstəqil və təhlükəsiz həyat şəraiti yaradır.

Ofislər və kommersiya obyektləri

Ağıllı texnologiyaların ofis və kommersiya obyektlərində tətbiqi artıq sadəcə trend deyil, həm də səmərəlilik baxımından zərurətə çevrilib. Ofislərdə ağıllı işıqlandırma sistemləri iş vaxtına uyğun avtomatik aktivləşə bilər. İstifadə olunmayan otaqlarda enerji sərfiyyatını minimuma endirə bilər. Smart termostatlar və iqlimə nəzarət sistemləri ilə iş şəraiti daha komfortlu və enerji baxımından effektiv şəkildə qurulur. Təhlükəsizlik baxımından isə kameralar, giriş-çıxış nəzarət sistemləri və sensorlarla təchiz olunmuş siqnalizasiyalar kommersiya mühitində nəzarəti və etibarı artırır. Bu texnologiyalar eyni zamanda idarəetmə prosesini də asanlaşdırır. Rəhbərlik mobil cihaz vasitəsilə ofisdə baş verənləri istənilən məkandan izləyə və lazımi dəyişiklikləri dərhal tətbiq edə bilir. Böyük müəssisələrdə isə bu sistemlərin server otaqları, anbarlar və ictimai zonalarda tətbiqi ümumi təhlükəsizlik və struktur nəzarəti baxımından mühüm əhəmiyyətə sahibdir. Beləliklə, ağıllı sistemlər yalnız yaşayış sahələrində deyil, iş dünyasında da məhsuldarlığın və təhlükəsizliyin əsas təminatçısına çevrilmişdir.

Ağıllı ev sistemlərinin qiymətləri

XiDMET.AZ saytında istifadəçilərə təqdim olunan ağıllı ev cihazları fərqli qiymət kateqoriyalarında qruplaşdırılıb. Bu, büdcədən asılı olmayaraq uyğun məhsul seçimini asanlaşdırır. Əgər istifadəçi yalnız işıqlandırma və temperatur idarəetməsi ilə maraqlanırsa, minimal büdcə ilə ağıllı lampalar, smart termostatlar və portativ qurğular vasitəsilə bu ehtiyacları qarşılayır. Daha geniş funksiyalı cihazlar, kompleks təhlükəsizlik sistemləri, tam inteqrasiya olunmuş ev avtomatlaşdırma mərkəzləri və səsli idarəetməyə uyğun platformalar isə daha yüksək qiymətə təklif olunur. Bununla belə, sayt üzərində təqdim olunan təchizatçılar müxtəlif büdcələrə uyğun alternativ paketlər formalaşdırır. Yəni, istifadəçi öz ehtiyacına uyğun cihazlar seçərək onları istədiyi ardıcıllıqla evə tətbiq edə bilər. Bu çeviklik həm ilkin xərcləri azaltmağa, həm də mərhələli şəkildə ağıllı ev sisteminə keçid etməyə imkan yaradır.

Kredit və hissə-hissə ödəniş imkanları

Texnologiyanın əlçatanlığını artıran əsas amillərdən biri də ödəniş imkanlarının çoxşaxəli olmasıdır. Saytda fəaliyyət göstərən bir çox satıcı və xidmət təminatçısı müştərilərə kredit və hissə-hissə ödəniş imkanları təklif edir. Bu isə ağıllı ev sistemlərini birdən-birə tam ödəniş etmədən, daha rahat və büdcəyə uyğun şəkildə əldə etməyə imkan yaradır. Kreditlə alış zamanı faizsiz və ya aşağı faizli təkliflər mövcuddur. Müştəri aylıq büdcəsinə uyğun şəkildə ödəmələrini planlaşdıra bilər. Bu imkan xüsusilə daha kompleks və funksional sistemləri almaq istəyən, lakin birdəfəyə yüksək məbləğ ayıra bilməyən istifadəçilər üçün olduqca faydalıdır. Digər tərəfdən, bəzi xidmət təminatçıları ilkin ödənişsiz təkliflər təqdim edərək texnologiyanın daha geniş kütlə tərəfindən əldə olunmasını mümkün edir. Nəticə etibarilə, istifadəçi texnoloji yeniliklərdən yararlanır. Maddi yükü bölərək daha planlı şəkildə ödəniş edir.

Gələcək trendlər və ağıllı texnologiyanın inkişafı

Ağıllı ev texnologiyaları durmadan inkişaf edir. Bu sahədəki yeniliklər hər gün yeni imkanlar açır. Gələcəkdə süni intellektin daha da təkmilləşməsi ilə evlərimiz sadəcə əmr yerinə yetirən sistemlər olmayacaq, bizi anlayacaq və davranışlarımıza uyğun qərarlar verəcək. Məsələn, səhər yuxudan oyanma vaxtımıza uyğun şəkildə pərdələrin avtomatik açılması, sevdiyimiz musiqinin səslənməsi və qəhvənin dəmlənməsi artıq mümkün olmaqla yanaşı, standart hala çevrilmək üzrədir. Gələcəkdə ağıllı sistemlər vasitəsilə qida məhsullarının avtomatik sifarişi, sağlamlıq göstəricilərinin izlənməsi, hətta stress səviyyəsinə uyğun ev atmosferinin tənzimlənməsi də reallığa çevriləcək. Bütün bu texnoloji inkişaflar sayəsində evlərimiz təkcə fiziki yaşayış məkanı deyil, həm də həyat keyfiyyətimizi artıran şəxsi köməkçiyə çevriləcək.