Domofon Sistemi

Domofon qapı ilə ziyarətçi arasında rabitə qurmaq üçün istifadə olunan interkom cihazıdır. Mənzillərin, ofislərin və ictimai binaların təhlükəsizliyini təmin etmək istəyirsinizsə, domofon sistemi bu məsələdə sizin bir nömrəli yardımçınızdır.
Domofon sizi gözlənilməz qonaqlardan qoruyur, təhlükəsizliyi artırır və fiziki olaraq qapıya getmədən ziyarətçini müəyyənləşdirməyə imkan verir. Ənənəvi zəng sadəcə siqnal verir. Amma domofon həm səs, həm də görüntü vasitəsilə qarşı tərəfi tanımağa fürsət verir. Bu fərq, təhlükəsizlik baxımından olduqca əhəmiyyətlidir.
Domofonlar girişə nəzarəti təmin etdiyi üçün oğurluq, dələduzluq kimi halların qarşısını almağa kömək edir. Bu sistemlər bir növ virtual mühafizəçiniz rolunu oynayır. Bu yazıda domofon sistemləri haqqında hər şeyi ətraflı izah edəcəyik və XiDMET.AZ saytında bu xidmətdən necə faydalana biləcəyinizə nəzər salacağıq.

Ən çox istifadə olunan domofon növləri

Domofon sistemləri müasir yaşayış və iş mühitində təhlükəsizlik və rahatlığın əsas elementlərindəndir. Onlar sadəcə qapı zəngi funksiyasını yerinə yetirmir, eyni zamanda kimin gəldiyini əvvəlcədən bilmək, ünsiyyət qurmaq və icazəsiz girişin qarşısını almaq kimi funksiyalar təqdim edir. Bazarda müxtəlif texnoloji səviyyələrə malik domofon modelləri mövcuddur. Hər biri spesifik istifadəçi ehtiyacına və büdcəsinə uyğun dizayn olunub. Doğru sistem seçimi üçün onun texniki imkanları, istifadə sahəsi və istifadəçinin rahatlıq səviyyəsi nəzərə alınmalıdır. XiDMET.AZ saytında fərqli domofon növlərini quraşdıran və texniki dəstək göstərən mütəxəssislər yer almaqdadır.

Video domofon sistemləri

Video domofon sistemləri ən çox tələbat görən və təhlükəsizlik baxımından üstünlük təşkil edən növlərdən biridir. Bu sistemlər ziyarətçinin şəklini real vaxtda ekranda göstərərək istifadəçiyə daha ətraflı məlumat verir. Görüntülü sistemlər həm şəxsi evlərdə, həm də ofis və villalarda geniş tətbiq olunur. Xüsusilə ailəvi yaşayış məkanlarında bu texnologiya uşaqlar və yaşlılar üçün əlavə təhlükəsizlik qatını təmin edir. Video domofonlar kameralarla təchiz olunmuşdur. Bəzi modellərdə gecə görüntüsü, yaddaş funksiyası və müxtəlif baxış bucaqları kimi əlavə imkanlar da yer alır. Bu sistemlər qapı önündə dayanan şəxsi tanımaqla yanaşı, qapını açmaq və ya rədd etmək qərarını daha təhlükəsiz şəkildə verməyə şərait yaradır. Eyni zamanda vizual ünsiyyət sayəsində yanlış tanınma halları minimuma endirilir.

Audio domofon sistemləri

Daha sadə və sərfəli alternativ axtaranlar üçün audio domofon sistemləri münasib seçimdir. Bu cihazlar yalnız səsli rabitə funksiyası ilə işləyir. Xiyarətçi ilə qarşı tərəf arasında iki tərəfli səsli ünsiyyət qurmaq imkanı verir. Audio sistemlər əsasən büdcəsi məhdud olan mənzillər, tələbə yataqxanaları, ofislər və ictimai binalarda istifadə olunur. Onların əsas üstünlüyü qurulmasının asan olması, texniki baxım tələb etməməsi və münasib qiymətidir. Baxmayaraq ki, görüntü funksiyası yoxdur, bu sistemlər sadə keçid nəzarəti üçün kifayət qədər effektivdir. Bəzi modellər səs tanıma texnologiyası və ya qapı avtomatik açma funksiyası ilə də təchiz olunur. Əgər sadəcə ünsiyyət qurmaq və qapı açma funksiyası kifayət edirsə, bu sistem kifayət qədər funksional və qənaətcildir.

Wi-Fi və smart domofonlar

Texnologiyanın inkişafı ilə birlikdə domofon sistemləri də ağıllı və mobil idarəolunan hala gəlib. Wi-Fi və smart domofon sistemləri istifadəçiyə sadəcə ev daxilində deyil, istənilən yerdən qapıya gələn şəxslə ünsiyyət qurmaq imkanı verir. Bu sistemlər mobil tətbiq vasitəsilə idarə olunur və istifadəçi telefon vasitəsilə zəngə cavab verə, qapını aça və ya rədd edə bilir. Hətta bəzi modellərdə ziyarətçinin görüntüsü yaddaşa yazılır. Daha sonra isə baxmaq imkanı olur. Bu xüsusiyyət xüsusilə tez-tez evdə olmayan şəxslər üçün məqsədəuyğundur. Smart domofonlar digər ağıllı ev sistemləri ilə inteqrasiya olunaraq daha geniş funksionallıq təqdim edə bilər. Məsələn, səsli assistentlərə bağlanmaq, təhlükəsizlik kameraları ilə sinxron işləmək və ya mesaj göndərmək kimi imkanlar var. Bu texnologiyalar təkcə təhlükəsizlik deyil, həm də rahatlıq və nəzarət baxımından yeni bir mərhələ yaradır.

Təklif olunan xidmətlərin çeşidləri

Domofon sistemləri ilə bağlı xidmət ehtiyacları yalnız ilkin quraşdırma ilə bitmir. Müasir yaşayış və iş məkanlarında bu texnologiyanın müxtəlif mərhələlərdə dəstəklənməsi, yenilənməsi və texniki baxımdan işlək vəziyyətdə saxlanılması əhəmiyyətlidir. Saytımızda fəaliyyət göstərən mütəxəssislər məhz bu məqsədlə geniş spektrli xidmətlər təqdim edirlər. İstər yeni sistemin quraşdırılması, istərsə də köhnə modelin təkmilləşdirilməsi olsun. Burada hər ehtiyac üçün uyğun bir xidmət növü mövcuddur. Yeni domofon sistemi quraşdırılması xidməti ilə sıfırdan texniki həll təqdim olunur. Obyektin ehtiyaclarına uyğun cihaz seçimi ilə birlikdə tətbiq edilir. Əgər ərazidə əvvəlcədən domofon sistemi mövcuddursa, lakin bu sistem artıq texnoloji baxımdan köhnəlib və istədiyiniz funksiyaları təmin etmir. Bu zaman köhnə sistemin yenilənməsi xidməti sizə uyğun gəlir. Bəzi hallarda sistem fiziki baxımdan zədələnə və ya proqram təminatı ilə bağlı nasazlıqlar baş verə bilər. Belə hallarda isə təmir və texniki xidmət devrəyə girir. Ağıllı texnologiyalara keçmək istəyənlər üçün smart sistemlərin qoşulması xidməti təklif olunur. Bu xidmət vasitəsilə mövcud domofon sistemləri mobil tətbiqlərlə işləyən, Wi-Fi dəstəkləyən və real vaxt nəzarəti təqdim edən qurğularla əvəz olunur və ya genişləndirilir. Bütün bu xidmətlər həm fərdi evlər, həm də yaşayış kompleksləri, ofislər və obyektlər üçün tam uyğunlaşdırılmış şəkildə təqdim olunur.

Peşəkar quraşdırma və texniki dəstək

Domofon sistemlərinin nə qədər müasir texnologiya ilə təchiz olunmasından asılı olmayaraq, əgər onlar peşəkar şəkildə quraşdırılmırsa, bu cihazlardan gözlənilən nəticəni əldə etmək mümkün deyil . Düzgün bağlantıların qurulmaması, zəif siqnal ötürülməsi və ya uyğunsuz enerji tənzimlənməsi nəticəsində ən yüksək səviyyəli cihaz belə funksionallığını itirir. Məhz buna görə də saytda təqdim olunan xidmətlərin əsas üstünlüklərindən biri də peşəkar quraşdırma və texniki dəstəkdir. Bu sahədə çalışan ustalar illərlə təcrübəyə malikdirlər və yüzlərlə fərqli layihədə uğurla iştirak ediblər. Onlar ərazinin spesifikasını nəzərə alaraq cihazın doğru yerə quraşdırılmasını, kabellərin düzgün çəkilməsini və sistemin digər avadanlıqlarla sinxron işləməsini təmin edirlər. Quraşdırma sonrası texniki test mərhələsi də xüsusi diqqətlə həyata keçirilir. Bu mərhələdə hər bir düymə, kamera və mikrofon yoxlanılır. İstifadəçiyə necə işlədiyini izah edilir. Digər tərəfdən, XiDMET.AZ üzərindən göstərilən xidmətlərə rəsmi zəmanət də təqdim olunur. Bu isə müştəri üçün əlavə güvən və rahatlıq deməkdir. Yəni quraşdırma sonrası problem yaşanarsa, mütəxəssislər tərəfindən pulsuz texniki müdaxilə təmin olunur.

Domofon seçərkən nələrə diqqət etməli?

İlk dəfə domofon sistemi almağa qərar verənlər üçün bazarda təqdim olunan müxtəlif modellər və funksiyalar arasında seçim etmək bir qədər çətin görünür. Doğru domofon seçimi sadəcə estetik və qiymət məsələsi deyil. Eyni zamanda təhlükəsizlik, istifadə rahatlığı və texniki uyğunluq baxımından da əhəmiyyətlidir. Əgər seçiminiz qeyri-dəqiq olarsa, aldığınız cihaz ya ehtiyaclarınızı qarşılamayacaq, ya da qısa müddətdə nasazlıq verəcək. Buna görə də satınalma qərarı verməzdən əvvəl bəzi əsas məqamlara diqqət yetirmək olduqca önəmlidir.

İstifadə məqsədi və obyektin növü

Domofon alarkən ilk sual budur. Harada istifadə olunacaq? Çünki hər obyektin təhlükəsizlik ehtiyacı və keçid tələbi fərqlidir. Məsələn, şəxsi mənzillər üçün sadə audio və ya video domofon kifayət edə bilər. Əgər binada çoxsaylı mənzillər və sakinlər varsa, o zaman çoxkanallı və daha güclü sistem tələb olunur. Ofis və iş yerlərində isə təhlükəsizlik ön planda olduğuna görə smart domofon sistemləri, Wi-Fi ilə idarəetmə və mobil tətbiqlə nəzarət imkanları olan modellər daha uyğunur. Bununla birlikdə, obyektin ümumi quruluşu, qapıların sayı, kameraların yerləşdiriləcəyi nöqtələr və istifadəçinin texnoloji rahatlığı da nəzərə alınmalıdır. İstifadə məqsədi düzgün müəyyən edildikdə, seçilən domofon daha effektiv işləyir və sistemdən uzun müddət problemsiz istifadə etmək mümkündür.

Büdcəyə uyğun seçimlər

Domofon sistemləri müxtəlif texniki səviyyələrdə və qiymət kateqoriyalarında təqdim olunur. Bu da o deməkdir ki, hər bir müştəri öz büdcəsinə uyğun sistem tapa bilər. Saytımızda həm sadə audio modellər, həm də yüksək texnologiyalı, smart idarəetməli video domofonlar yer alır. Əgər ilkin mərhələdə büdcə məhduddursa, funksional və keyfiyyətli, lakin əsas funksiyaları yerinə yetirən modellərlə başlamaq mümkündür. Daha sonra sistemə əlavə modullar və funksiyalar əlavə etmək də olar. Belə ki, premium seqmentdə təqdim olunan modellər istifadəçiyə əlavə təhlükəsizlik qatları, yüksək keyfiyyətli görüntü, yaddaş imkanları və ağıllı idarəetmə verir. Hansı seçim olursa olsun. Əsas odur ki, alınan cihazın keyfiyyətinə və texniki xidmət təminatına diqqət yetirilsin. Bəzi xidmət təminatçıları hissə-hissə ödəniş və ya kredit imkanları da təqdim edir. Bu da büdcəni daha rahat şəkildə bölmək imkanı yaradır.